எதிர்வினைகள்

தமிழில் புதுக் கவிதை - க.நா.சு

கவிஞர் க. மோகனரங்கன்:

தமிழில் புதுக்கவிதை ஒரு இலக்கிய வகைமையாக அங்கீகரிக்கப்படாத காலத்தில், சோதனை முயற்சிகளாகவே கருதி சிலரால் முயன்று பார்க்கப்பட்ட ஒரு சூழலில் புதுக்கவிதை என்பது எதிர்வரும் காலத்தில் எப்படி உருவெடுக்கக் கூடும் அதன் இலட்சணங்கள் எவையெவையாக அமையும் என்கிற அனுமானத்தில் க.நா.சு எழுதிய கட்டுரை ஒன்று சரஸ்வதி ஆண்டுமலரில் 1959 ஆம் ஆண்டு வெளியாகியிருக்கிறது. இன்று படிக்கும்போதும் அதன் பொருத்தப்பாடு மங்கிவிடாமல் துலங்கவே செய்கிறது. ஒரு புதுக்கவிதைக்கு இருக்கவேண்டிய இலட்சணங்களாக அன்று அவர் குறிப்பிடும் நான்கு விஷயங்கள் இன்றைக்குமான இசைவுடன் இருக்கின்றன.

கவிதைகளுக்காக தனிப்பட்ட இணைய இதழாக நண்பர்கள் மதார், நவின் ஆகியோரின் முன்னெடுப்பில் வெளியாகிவரும் kavithaigal.in ல் இக்கட்டுரையை வாசிக்கலாம்.

***

'காலச்சுவடு' கண்ணன்:

'எழுத்து' இதழில் இதே பொருளில் க.நா.சு. எழுதிய ஒரு சிறிய ஆனால் முக்கியமான குறிப்பு அனேகமாக இதே ஆண்டில் வெளியாகியுள்ளது.

***

கவிஞர் அதியமான்:

க.நா.சு முழுக் கவிதைகள் தொகுப்பு நூலில் இக்கட்டுரை இடம்பெற்றிருக்கிறது. வாரம் ஓருமுறை இந்தக் கட்டுரையை வாசித்துப் பார்த்துகொள்கிறேன். இக்கட்டுரை எனக்கு நிறைய வெளிச்சத்தை கொடுத்த ஒன்று.

***

மண்குதிரை:

பகிர்வுக்கு நன்றி. இந்தக் கட்டுரையில் உள்ள புதுக்கவிதை லட்சணங்களை மேற்கோள் காட்டி ஞானக்கூத்தன் எழுதியிருக்கிறார்.