பறவைகளை அறிதல்
நீ வாழும் நிலம்
அந்நிலத்தின் பருவகாலம்
அப்பறவைகள் பறந்தலையும் பரப்பு
புல்வெளியில்
புதரில்
கானகத்தில்
கற்பாறையில்
நாணல் இடையில்
தனியென
குழுவென
சிறுகுழுவென?
அதன்
உருவம்
விசை
பறத்தலில் தனி லாவகம்
அதற்கே உரிய
வினோதம்
வாலின் சிற்றசைவு
சிறகசைப்பு
தலைநாடல்
அவை உண்ணும் உணவை உன்னால் பார்க்கமுடிகிறதா?
அதன்
அழைப்புகளை
பாடல்களை?
இறுதியில்
உனக்கு வாய்க்குமெனில்
அவைகளின் வண்ணங்களை
இறகுகளின் வடிவங்களின் நுண்மையை-
வரிகளை
புள்ளிகளை
தீற்றல்களை
பறவைக்கு ஒரு பெயர் சூட்ட
உனக்கு தேவையான
அனைத்தையும்
அந்த விவரங்கள் சொல்லும்,
ஆனால்
அதற்கு முன்னரே
இந்த பறவையை அறிவாய் நீ.
(Gary Snyder)
(தமிழில்: வேணு வேட்ராயன்)
***
Posts
0 comments:
Post a Comment